AISHA Bui amechomoza kwenye anga za filamu na kutoka na filamu iitwayo Mshale wa Kifo.
Bui ametamba kwamba filamu yake hiyo aliyoitayarisha kwa mara ya kwanza kabisa ni moto wa kuotea mbali.
Msanii alisema filamu hiyo ni ya kipekee na inatofautiana na nyingine zilizozoeleka za kuanzia mwanzo hadi mwisho.
“Wakati natengeneza Mshale wa Kifo nilikumbana na changamoto nyingi sana. Ilikuwa lazima nifanye mazoezi kutokana na filamu yenyewe kuigiza katika uhalisia, kukimbizana porini na kutumia nguvu,” anasema Aisha.
Aisha anasema kuwa filamu hiyo ameirekodia porini mwanzo hadi mwisho na katika kuhakikisha kuwa inakuwa kwenye ubora, alifanya mazoezi ya ukakamavu ili aweze kuitendea haki.
Katika filamu hiyo utakutana na wasanii nyota kama Ahmed Olotu ‘Mzee Chilo’, Salim Ahmed ‘Gabo’ sambamba na wasanii wengine .
